വിരുന്നുകാർ
Virunnukar
ചിലർ വന്നു മണിമുഴക്കും, വാതിലിൽ താളത്തിൽ മുട്ടും
സ്നേഹ സാന്ദ്രമായ് പേര് വിളിക്കും.
കുശലങ്ങളിൽ, കളി , കാര്യങ്ങളിൽ വീണ്ടു മൊരുവട്ട
-മറിയാതെ നമ്മെ തഴുകി തിരിച്ചുപോകുന്നോർ .
ചിലർ, മണിയൊച്ച യില്ലാതെ.. വാതിലിൽ മുട്ടാതെ
അറിയാതെ തള്ളി തുറന്നകത്തെത്തി .. ഞെട്ടിച്ചു പൊട്ടിച്ചിരിക്കുവോർ.
ചിലർ സങ്കടപ്പാടത്തു വള്ളം കളിക്കുവാൻ ..പഴയ വള്ളപ്പാട്ടു പല്ലവി മൂളുവാൻ
മാത്രമാണീ പ്പടി വാതിൽ കടക്കുക.
ചിലർ വരും , കടലാഴമറിയാത്ത കടലാസ് കളിവഞ്ചി നാവികൻമാർ ..
കടല് കാണാത്ത ഞാൻ നാവികന്മാർക്കൊരു ധ്രുവ താരമാകണം !
വേറെ ചിലരുണ്ട് ചായയോ കാപ്പിയോ വേണ്ടാതെ, മറുവാക്ക് വേണ്ടാതെ,
.ചിരി നുറുക്കും കൊറിച്ചരികത്തി രിക്കുവോർ..
ചിലരുണ്ട് .. വാതിലിൽ ചെറുതായി മുട്ടി .. തിരിച്ചു പോകുന്നോർ ..
ഒരു മാത്ര കാതോർത്തു..കാത്തുനിൽക്കാതെ...മുറിഞ്ഞു പോകുന്നോർ ..
0 Comments:
Post a Comment
<< Home